Stephen Heilmann toquvoq

Stephen Heilmann, sivikitsumik napparsimareerluni 77-inik ukioqarluni toquvoq.
Allattoq Karsten Sommer
juunip 02-at 2019 13:08

Aallakaatitassiortoq, 1983-imiillu 1987-ip tungaanut kulturimut, ilageeqarnermut ilinniartitaanermullu naalakkersuisuusimasoq Stephen Heilmann, 77-inik ukioqarluni toquvoq.

Stephen Heilmann, Kalaallit Nunaata Radioani aamma pisortaasimavoq, Radioaviisimi, kulturimullu tunngasunut immikkoortortaqarfimmi aamma sulisimalluni.

Stephen Heilmann, sivikitsumik napparsimareerluni Dronning Ingridip Napparsimmavissuani ippassaq toquvoq. Ilaqutai Facebookikkut taama nalunaaruteqarput.